Гульзикан Кусаиновна «Өрлеу» БАҰО» АҚ филиал ШҚО бойынша ПҚ БАИ орталықтарындағы курстарда үнемі дәріс оқып, тығыз шығармашылық қарым – қатынаста болып келеді. 

2012 жылы республикалық, 2014 жылы облыстық шеберлік сабақтарында іс – тәжірибесімен бөлісті.

2010 жылы қалалық «Үздік қазақ тілі әдістемесі»сайысында 2 орынға ие болды.

Г.К.Сауырбаева өз білімінің тереңдігімен кәсіби шеберлігінің арқасында қалалық сайыстар мен олимпиадаларда қазылар алқасы қатарында болып келе жатыр. 

2008 -2015 жылдар аралығында ОЖСБ бойынша білім министірлігінің өкілі.

2012 -2015 жылдары ҰБТ бойынша өкілі.

2013-2015 жылдары ШҚО бойынша аттестацияның комиссия құрамында.

2008-2013 жылдары «Алтын белгіге» үміткерлер құжаттарын тексеру комиссия құрамында жұмыс жасаған.

Гульзикан Кусаиновна – шығармашылығын үнемі жетілдіріп отырады, білім саласында болып жатқан инновациялық үрдісте үнемі белсенділік танытады. Еңбектері бірнеше дүркін қалалық, облыстық, республикалық деңгейдегі мақтау қағаздарымен марапаттарға ие болды. 

Гульзикан Кусаиновна өзінің кәсіби біліктілігінің жоғары болуымен әр оқушының рухани дамуына оң әсерлер бере алады. Жеке бойындағы жауапкершілік, жан – жақтылық, талап қоя білу, дәлелдей алу қасиеттері өзінің бойында үйлесімін табады.

Сауырбаева Г.К. басшылық тобындағы адамдарға жоғары деңгейдегі ұйымдастырушылық, коммуникативтік қабілетін көрсете алады. Жеке тұлғалық қасиетін және іс – әрекетін ата – аналар мен оқушылар жоғары бағалайды. Білім саласында жоғары нәтижеге жетудегі мақсаттылығы, өзінің жұмысына деген қызығушылығы жоғары. Мектеп ұжымына және оқушылар мен ата – аналар арасында беделді.